عريس يا بوى .... طخه بس متعوروش يا بوى...

هالو ايفرى بادى وشورت وفانلة وكاب ......

[center]سيداتى انساتى عايزاكم النهاردة تطرطقوا ودانكم على الاخر

[img:cf0a]http://www.elsetafkar.com/forums/images/smilies/193[1].gif[/img:cf0a]

ان شاء الله اذا حد فيكم اتفكت عقدتها واتخطبت

[img:cf0a]http://www.elsetafkar.com/forums/images/smilies/3rbe.com_019[1].gif[/img:cf0a][img:cf0a]http://www.elsetafkar.com/forums/images/smilies/3rbe.com_019[1].gif[/img:cf0a]

فاليكن بعض من النصائح اللى بأذن الله هتوديكم فى داهية

عايزاكى اول ايام الخطوبة لازمن .....ولابندق

انك تاخدى بالك من تصرفاتك كويس بدل ما العريس يطفش

من اولها بعد ما جه بطلوع الروح .....والدعاء فى الصلاة .... وزيارة اولياء الله الصالحين

[img:cf0a]http://www.elsetafkar.com/forums/images/smilies/sheikh[1].gif[/img:cf0a]

والدوخة عند المشايخ ...والكلام ده كله

يعنى تحافظى عليه لاخر نقطة فى دمك وتذكرى جيدا

انه محدش بياكلها بالساهل[img:cf0a]http://www.elsetafkar.com/forums/images/smilies/yahoo[1].gif[/img:cf0a]..... ده المثل الوحيد اللى يفضل حلقة فى ودنك
فردة واحدة مش فردتين

اول ما تعرفى ان العريس قادم وجاى يزوركم بعد الخطوبة

عريس يا بوى .... طخه بس متعوروش يا بوى... Download

علطول من غير كلام تروحى تنضفى وتلمى النعكشة والكمبوشة عريس يا بوى .... طخه بس متعوروش يا بوى... 3c2a200fa8a62af04c2f514b5352519a

اللى عملاهم فى دماغك وتحاولى تسرحيه كده وتسشوريه او تولعى فيه
الاتنين واحد ده اذا كنت من ذوات الشعر ابوسلك مواعين

اما اذا كنتى من ذوات الشعور الناعمة الملساء

فانصحك بانك تخبيه من عين العريس وامه لانه بعد الجواز مش هيفضل منه ولا شعره وبالتاكيد هتركبى باروكة ده من كتر حرقة الدم والعلق اللى هتاخديها فالاحسن والافضل انك تلبسى ايشارب وتداريه

-نيجى للميك اب والميك ام عايزين مكياج بنانيتى

يا ست الكتكوتة " على راى اللمبك"

يعنى حاجات كده على خفيف عريس يا بوى .... طخه بس متعوروش يا بوى... 011

بلاش سايبس وتريكس والبلاك اللى بتهببى بيه عينك

خليكى على طبيعتك ميك أب رقيق
كده كده الراجل هيشوفك بعد الجوازمن غيره وبالتاكيد هيتفزع [img:cf0a]http://www.elsetafkar.com/forums/images/smilies/3rbe.com_059[1].gif[/img:cf0a]ومش بعيد يغمن عليه من اول طلة
فعلشان نتفادى الصدامات والذى منه نؤهله من بدايتها

واهم من ده كله البرفانات واختراع الروايح والحاجات الحلوة دى

وتسيبك بقى من فرم التوم وريحة البصل والموغات

كده كده ايامهم جاية جاية غصب عنك او برضاكى

اللبس عايزين احترام واحتشام وادب يعنى بلاش محزق وملزق وبلبانة

علشان ميقولش من اولها سايبة ومفيش حد يلمها
وابقى بعد الجواز طلعى عينه والبسى كل اللى نفسك فيك

اهو هيكون ادبس وخلاص[img:cf0a]http://www.elsetafkar.com/forums/images/smilies/3rbe.com_011[1].gif[/img:cf0a] ولو ان ابقى قابلينى
لو عتبتى بالهدوم دى بره عتبة باب البيت

ولو عتبتى هتلاقى الباب فوق نفوخك عدل

امال..... ساعتها هيكون زمن الدلع والعياءة ولى وراح
وأتى زمن الجلاليب ام سفرة وكم بكرانيش

المهم لبسنا واستحمينا وحطينا ميكب واتريحنا وبقينا تمام
نقعد بقى نستنى الفرج لحد ما العريس يجى يرزع على الباب

لا استنى .... مش من اولها لهفة وقلبنا يهفهف زى الغسيل المنشور
ونروج جرى رهوان على الباب[img:cf0a]http://www.elsetafkar.com/forums/images/smilies/aaa0000[1].gif[/img:cf0a].... لا ساعتها تفتكرى ان التقل صنعة

تهمدى كده ونقعد مكانا [img:cf0a]http://www.elsetafkar.com/forums/images/smilies/sofa[2].gif[/img:cf0a]وتخلى حد من اخواتك يفتح الباب ويستقبله

وتنبهى عليهم خاصة لو كانوا صغيرين مش اول ما يشوفوا
علبة الشيكولاته يخطفوها ويسيبوه ملطوع على الباب

علشان الراجل مايقولش محرومين وطفسين ويحس انه مناسب مجاعة افريقيا

تسيبه كده يجى نص ساعة قاعد مع بابا ياكل دماغه شوية من الرغى[img:cf0a]http://www.elsetafkar.com/forums/images/smilies/potiraet2_[1].gif[/img:cf0a]
وبعدها تخرجى من الاوضة علشان هيكون الراجل فرفر خلاص وبيقول انقذونى [img:cf0a]http://www.elsetafkar.com/forums/images/smilies/clapping[1].gif[/img:cf0a]

اول ما تشوفيه عايزين اتنين كيلو صلصة طماطم على وشنا من الكسوف والخجل

والكلام ده والعينين فى الارض لحد ما تحسى بالحول

قال يعنى محرجة وفى نص هدومك وكأنك اول مرة تشوفى الكائنات دى "اللي هما الرجالة "

بعدها نستنى جملة سلمى على خطيبك وتمدى ايدك بالطراطيف وتسلمى
وبكل رقة اهلا ازى حدرتك ايون حدرتك وختيبى وتنت وكده

مش حضرتك وخطيبى وطنط ابعدى عن حرف الطاء خالص لانه بيكلكع البق

وأول ما الراجل ربنا يفتح عليه
لا مشيقرا سورتين
اقصد يفتح عليه فى الكلام
نسمع كويس ونرد بأدب
ومش عايزين ايه... ونعم وطرش وضعف سمع من اولها
خلى الاعاقة دى لبعدين كله جاى بعد كده ماتستعجليش وتفتكريها بمبى

والضحكة اهم حاجة الضحكة تكون بسيطة يادوبك فتح الخدين وضم الشفاتين
بلاش الضحكة ام سنان دى علشان الطقم ما يبانش
وياخد باله من الحشو والتركيب والتسويس

يعنى عايزين "يابو ضحكة جنان " "مش يابو ضحكة سنان"

كمان تبقى مركزة اوى مع ماما اول ما
تغمز بعينيها يعنى امشىانجعرى على المطبخ

تروحى على المطبخ رهوان

وتمشى بسرعة 3 حصان

بس منغير رفس

وتحسسيه انك كلك نشاط وحيوية مش ......
وتروح تقدمى المشروبات بكل شياكة وخلى بالك من الدلق

وخاصة العصاير على البنطلونات علشان التلزيق والنمل

واول ما يبقى فيه كلام على الطبخ والمواعين وتقشير البصل

مش عايزين نتأفف من اولها ونشوح بايدينا

عارفين انها حاجات تزهق بس ما باليد حيلة

لازم تبينى انك ست بيت شاطرة وياريت لو تحفظيلك كام وصفة كده
من كتاب ابلة حظيرة وتقوليهم ادامه
علشان قلبه يطمئن انه واخد ست البنات مخترعات الهبابات وعك البطون وعمل الشلنكبات

معلش تعالى على نفسك فى الخطوبة بس وبعد الجواز
ابقى تنبلى براحتك واضربيهاله صرمة قديمة
ويبقى يقابلنى لو شاف شغل بيت

المهيه من جيبه لايد الشغالة عدل
وابقى اتحججى بضوافرك[img:cf0a]http://www.elsetafkar.com/forums/images/smilies/thumbup[1].gif[/img:cf0a]
والباديكير والمانيكير ... واوه باباه .....اوه ماماه....فينك يا تيزة وكده يعنى

لكن بالله عليكى اذا كنتى عايزة تكلبشى
فى الراجل بايدك ورجلك
وتاخديه الى قفص النسانيس والقرود
[img:cf0a]http://www.elsetafkar.com/forums/images/smilies/ura1[1].gif[/img:cf0a]

اقصد الزوجيه لازم تتبعى هذه الخطوات

اللى كل خطوه منها تودى على سكة جنينة الحيوانات

واللى يروح مايرجعش

واسأل مخرب [img:cf0a]http://www.elsetafkar.com/forums/images/smilies/whistling[1].gif[/img:cf0a]

[/center]

هههههههههههههههههههه
عسول اوى ياقمر الموضوع
مشكورة

هههههههههههههههههههههه
فعلا اسال مخرب
انتى رايك كدة
ولو كذبت علية تخيلى تاثير الصدمة علية
هايبقى اية بعد الجواز
؟؟؟؟؟؟؟؟

هههههههههههههه ده موضوع للي نفسهم يتجوزوا
وروه كده لعرسانكم والله ليطفشوا
واسأل مخرب
هههههههههههههههه عريس يا بوى .... طخه بس متعوروش يا بوى... Icon_lol

عريس يا بوى .... طخه بس متعوروش يا بوى... Affraid

انتى رايك كدة بردو؟؟؟؟؟؟؟؟؟؟؟؟؟
يعنى اورى الموضوع دة لعريسى ؟
على ضمانتك يعنى
عشان لو طفش
هتبقى متحملة المسؤلية