مسيرة حياة عضوة

صباح/مساء
الياسمين والفل والجوري



اليوم جاتلي فكرة جديدة
وان شاء الله تعجبكم


و الفكرة هي

اني هستضيف عضوة

تيجي تحكيلنا عن مسيرتها

بس مش مواقف وبس

او كدا
لا مسيرتها من اول ما اتولدت وعرفت الدنيا
لحد وقتنا هذا














من حلو ووحش
وفرح وبكي

وياس وامل

و طبعا يا فتافيت السكر كلنا هنا اخوات

و الموضوع ليس عبارة عن مواقف وطرائف فقط
او اسئلة والعضوة تجاوب عليها

لا الموضوع عبارة عن

ذكريات و مسيرة حياة العضوة

قصة حياتها يعني

كل حاجة فيها

وطبعا ايه اللي هيحصل

هذه العضوة

في البداية هتدينا نبذه عنها

وبعدين تبدء تحكي عن مسيرتها


ارجو ان يكون الموضوع نال اعجابكم

واول واحدة هستضيفها هي العضوة الجميلة

اول عــــــــــضــــــــوة
هـــــــــــيـــــــــــا
روكــــــــــــــــــا
انا عارفة انك عندك
ذكريات وحاجات كتير
تقدرى تشاركينا فيها
يالا ياقمر

موضوع راااااااااائع يا قمر
تم تثبيت الموضوع

مشكورة يا ميرو
شكرا يا سكرة على تثبيت الموضوع
تسلميلى

بجد موضوع لرائع يا جميله وكان يستحق فعلا التثبيت
مشكوووووووووره

ميرسى يا دودى اسعدنى مرورك
ياقمر
نورتى الموضوع بجد
اتمنى ينال اعجابك

انا هناااااااااا انا هنا اسفة على تاخيرى يابنات وموضوع والله جميييييييييييييييل يا نودا

انا بقى لما اتولدت احتاروا شوية فى اسمى فضلوا يتخانقوا يسمونى اية يسمونى اية كنا فى رمضان لغاية ما الراديو
قال فى رحاب الايمان قالوا يسمونى رحااااااااااب
لما بقى عندى 2 شهر ماما كانت بتودينى الحضانة علشان شغلها فامرة طلعا على السلم راحت متكعبله
راحت موقعانى راحة وقعة عليا واتجبست كلى
لما بقى عندى 5 سنين كنت راحة المدرسة مرة وانا رجعة كنت واقفه مستنيه ماما فاجت واحدة بتقولى
انا صحبه مامتك وهى مستنياكى راحة وخدانى وسرقتى وخادت منى الحلق بتاعى الدهب
وسابتنى فى حته مقطوعة وماما فضلت تدور عليا وجابت ناس يدورو عليا لغاية ما لقونى الحمد لله
بس اية رايكم ؟؟؟؟؟؟؟؟؟؟؟

ميس الروح كتب:

موضوع مميز وبجد يستحق التثبيت والثناء وميرسي على موضوعك
تقبلي مروري
ووينها روكا شو مو باينه

مشكورة يا ميوس
نورتى الموضوع ياقمر بتواجدك
وجود ردك اشرق صفحتى وزادها نور
ميرسى ياقمر

يالهوى يا روكا
اتجبستى كللك

ياخبر ابيض


واية يا بنتى دة
اى حد يقوللك تعالى كدة تروحى معاة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الحمد لله انهم لاقوكى اصلا
والا كان زمانك طفلة مشردة الوقتى

وبعدين يا روكا انتى شكلك مشغولة

لو مشغولة ناجل ردك فى الموضوع لحد ما تخلصى امتحانات ربنا معاكى

بس المطلوب اهم حاجات كدة فى كل فترات عمرك
وانتى كدة بتضحكى علينا
صح والا لا يا بنات؟؟؟؟؟

هههههههههههه افشتينى يا نودا

طول عمرى لما كنت فى المدرسه كنت دايما محبوبه بين زمايلى وصحابى لكن فى بعض الاحيان بحس ان مش ليا اصحاب
وكل ما اروح اتصاحب على وحده بتجرح فى الاخر

اختار الى بعدى سويتى جيرل ياااااااالا يا نودا

اولا الموضوع لازم يتضمن جميع مراحل الدراسة فى العمر
ثانياوموضح فى الموضوع ان لازم كمان يكون فى موقف يتحكى فى كل مرحلة من عمرة
ثالثا بقى والاهم ان لازم يكون فى اهتمام من العضوات اللى بيختارو للرد على الموضوع او المشاركة فية
يعنى مش رد كدة وخلاص
والحكاية دى انا ملاحظاها فى كل العضوات ان الرد بيكون كدة وخلاص سد خانة
اثبات وجود بس فى الموضوع
لكن مش بيكون فى رد ونقاش فى الموضوع المطروح ولا اهتمام
وانا مش بتكلم عن موضوعى دة بس والا عن مواضيعى انا بس
انا بتكلم عموما فى كل المواضيع
وعلى فكرة المنتدى كدة عمر ما هايبقى لية مستقبل
وانا اذا كنت بقول الكلام دة
فعشان انا قلبى على المنتدى ولمتنا الحلوة دى فية
والا انتم رايكم اية
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ههههههههههههههههههه ماشى يا نودا طب انقشك فى ايه اه اكلتى الفراخ النهرده ولا لا كوكوكوكوكوكو

انتى بتتريقى
لا ياختى نتناقش فى الكوكو كوكو
يا بنتىا لمفوض انك تتناقشى فى جميع مراحل عمرك
فاهمة والا اية
عموما بما انك اختارتينى
شوفى الاسطورة

شوفو بقى
انا كنت اشقى طفلة على وجة البصيرة
وكنت فاااااااااااااااااشلة اوىىىىىىىىىىىىىىىىىىىى
ولا كان ليا فى اى حاجة غير الخراب والشقاوة
لدرجة ان كنت فى تانية حضانة
وبعدين كنت متدلعة اوى
فروحت مرة الحضانة لاقيت عندهم امتحان وانا معنديش فكرة عن اى حاجة
فكركم اعيط زى العيال ولا كدة ابدا
ولادموع تماسيح حتى
قومت اية يا فندم
قولت لصحبتى انا مش عارفة اكتب اية
وانا اصلا ماكنتش بعرف اكتب قامت البنت ياعينى قالت لى بصى انا هافتح لك ورقتى وانتى انقلى
قولت لها حاضر
كانت اسمها سارة الغباشى
المهم نقلت وتمام وبعدين تانى يوم والامتحان بيتوزع كنا بناخد ورقة الامتحان بالدرجات للبيت
الميس وهى بتوزع الورق
فى الاااااخر خالص قالت انا لاقيت حاجة غريبة فى ورقتين باسم واحد الاتنين باسم سارة الغباشى

ههههههههههههههههههههههههههههههههه
طبعا انا ما استغربتش قومت بكل شجاعة قولت لها اة
دى ورقتى انا وسارة
وسالتنى بمنتهى الصراحة نقلتى اسمها ازاى
قولت لها لان ناقلة كل حاجة منها فمخدتش بالى ان دة الاسم
طبعا كل قعد يضحك عليا ماكنتش عارفة لية

مرة تانية بقى
من ذات المرات كدة يعنى
كنا فى راس البر وكنت بالعب فى الشارع
كنت فى اولى او تانية ابتدائى

المهم
كان فى شوية عيال كدة يجى 8 عيال ولا اصحاب الفندق
وانا عايزة العب معاهم
بس عاوزاهم كلهم يسيبوا اللعبة اللى بيلعبوها
ويلعبو هم معايا

شخصية مستقلة منذ الصغر

المهم طبعا هم ما وافقوش
فانا اتغاظت
قولت بقى والله ما انا مهنياهم على لعبة
وقعدت ابوظ لهم اى لعبة بيلعبوها واحدفهم بالطوب وارش رمل على هدومهم

لحد ما العيال زهقت منى
قامو ولاد اللزينة متفقين عليا
وقالو لى طيب
هنلعب معاكى اللعبة اللى انتى عاوزاها بس نلعب استغماية الاول
وانا وافقت
زى الهبلة
وانا شايفاهم بيتوشوا ادام عنيا
المهم البنات بقى قالو لى تعالى احا هنستخبى فى البيت دة لسة بيتبنى كان جنب الفندق على طول وكان على الاسمنت والبيبان كانت حمرا كدة
لسة مش مدهونة
وطلعنا للدور التالت وكانت الدنيا ظلمة
ولاد اللزينة دخلونى وقامو قافلين عليا

وفضلت يافندم 3 ساعات ولا اربع ساعات محبوسة
وماما تدور عليا وبابا
والدنيا
ومش اروح جنب الشباك بقى انادى لحد
لا واقفة جنب الباب اخبط واعيط
لحد ما ماما وبابا وهم بيدوروا عليا سمعونى وطلعو خرجونى

-

هتنوووووووووووووووووووووووووري

منتظره ياااااااااقمر

ايه ده يا نوده انا هحذف مشاركتك دي
مش في مكانها وانتي عامله في كل الاقسام
سوري
انا همسحها موضوعك هناك في قسم الشكاوي

موضوع جميييل جدا
وحصري جدااا
و ماشوفتهوش في منتدي تاني

ميرسي نودة علي افكارك الجامدة دي