Ftafet el sokar
*((المديره العــــــــامه))*
عدد المساهمات : 2077
نقاط التميز : 2147483647
السٌّمعَة : 12
تاريخ التسجيل : 18/11/2009
الموقع : فتافيت السكر
 | موضوع: برنامج كامل للعنايه بالشعر وكله طبيعي  الإثنين يناير 04, 2010 7:03 am | |
| صديقاتي بنات فتافيت السكربالصدفة وانا باتفرج على الفضائيات لقيت شوية وصفات جميلة
وحسيت ان كلها مفيدة جداااااااا وسهلة ومتوفرة
وكمان هاتريح كتير من اللف ورا الشامبوهات والكريمات الماركات أ والمضروبة
وندخل فى قصة المقاطعة وقصة الاضافات اللى بتضر دواااااااااااااامة
وهنا هااشرح لكم برنامج كامل للعناية بالشعر
حاولت اجمع لكم فيه كل المعلومات اللى عرفتها من الحلقة او اعرفها من قبل كده
يمكن واحدة تستفيد او تتحل عندها مشكلة واخد منها دعوة حلوة
ونبتدى باول واهم حاجة وهى نظافة الشعر
اولا :النظافة
ـــــــــــــــــــــــ
وطبعا محتاجين شامبو كويس واكيد كتيرمنا غلب غلبه
والخلاصة هى شامبو طبيعى 100%
المكونات :
ـــــــــــــــ
لتر عسل نحل
600جم صابون شفاف ويفضل يكون 3/4 زيت زيتون (ممكن من العطار )
1/4 لتر ماء مقطر (من الصيدلية )
100جم زيت زيتون
الطريقة :
ـــــــــــــــــ
نذوب العسل فى الماء المقطر من خلال حمام مائى
نظيف الصابون المبشور ونقلب بمعلقة خشب حتى الذوبان
نظيف الزيت نقطة نقطة حتى ننتهى ونرفعه من حمام البخار
ونضعه فى برطمان نظيف وهايكون صالح من سنة لسنة ونص
وبكدة اصبح عندنا شامبو طبيعى ومفيد جدااااااااا للشعر
طيب اذا فى حد فينا عنده مشكله زى التساقط او الخشونة اوووووو
ممكن نستفيد من الحكاية دى مع الشامبو فى الغسيل حسب كل حالة وده هايكون كالأتى
هناخد معلقة اواكتر حسب الشعر من قاعدة الشامبو اللى عملناها
ونظيف عليها الزيوت حسب حالتنا بمقدار معقول ونقلبهم كويس ونستعملهم
فى حالة تساقط الشعرهانستعمل مجموعة زيوت مقوية
زيت الزنجبيل+زيت الروزمارى+زيت الزعترالبرى+(زيت المريمية اذا كان الشعراسود)
فى حالة خشونة الشعرهانستعمل مجموعة منعمة للشعر وهى زيوت كل من
جوزالهند + الخروع + الحلبة + الزيتون + لوزحلو+ السمسم
فى حالة جفاف الشعر
زيت ورق الزيتون + زيت السنامكى + زيت الصبار
وبكده نبقى غسلنا الشعر وفى نفس الوقت بنعالج المشكلة بتاعتنا
ثانيا :للتصفيف
ـــــــــــــــــــــــ
ضرورى كل يوم نسرح بفرشة كويسة وده مرة واحدة فى اليوم
وبعد كده اى مرة تسرحى تانى تستعملى مشط خشب واسع
لانه اى مشط غير الخشب مع التسريح بيسبب مشاكل للشعر
طيب هانستعمل ايه لتصفيف اليومى ؟؟؟؟
طبعا كتير منا هاتقول الكريم الفلانى او الزيت العلانى
واكيد اغلبنا علشان يحس بتأثير كويس بيضيف كميات كبيرة علشان شكل الشعر يتحسن
لكن هنا فى حاجتين ومافيش غيرهم للتصفيف اليومى
خلاصة الصبار+زيت جوزالهند ........... وبس
لانهم تركيبهم خفيف وبيخلى الشعر شكله حلو اوى ومن غير الملمس الدهنى اللى مش حلو
ثالثا: حمام اسبوعى
ـــــــــــــــــــــــــــــــــ
وطبعا الاهتمام الاسبوعى مهم جدا للشعر
انا عن نفسى باحب الحنة جداااااا وطبعا كلكم عارفين فوايدها
وهنا فى طريقتين الاولى
فى حالة تساقط الشعر
__________
ندهن الرأس كويس بزيت التوم بالاضافة لزيوت التساقط السابقة ونتركه ساعة
نكون وقتها عملنا عجينة الحنة
حنة + بيض ( صفار البيض فقط فى حالة الشعر الدهنى ) + زبادى
يعنى بنعجن الحنة من غير ماء فقط بيض وزبادى
وطبعا عارفين الاضافات اللى ممكن نحطها عالحنة علشان لون معين
يعنى اللون الاحمر هانظيف بابريكا وقشر رومان ناشف ومطحون
واللون البنى هانضيف شوية بن ونتركها حوالى 3 ساعات
بعد كده هانغسل الشعر كويس بالشامبو بتاعنا وفى اخر شطفة نشطفة بالشاى
يعنى نكون عاملين شاى زى اللى بنشربه
وفى حالة الشعر الدهنى نظيف عالشاى ليمون يعنى شاى بالليمون
طبعا الحنة من اكتر الحاجات اللى بتقضى عالقشرة و البيض والزبادى مفيدة جداااااااااا
والشاى بيعطى بريق ولمعان طبيعى للشعر
فى حالة خشونة الشعر
___________
هانعمل حمام النخاع
طريقته هانجيب نخاع حيوانى ونسيحه فى حمام مائى
ونظيف عليه مجموعة الزويت المنعمة
وندهن الشعر كويس جدااا ونعمله حمام بفوطة سخنة مرتين تلاته وبعدها نغطيه ساعتين
ونفس الطريقة السابقة نغسله .......................
بالنسبة لحمام النخاع ده مهم جداااااااااااااااااااااااااااا وممكن تكراره مرتين فى الاسبوع
وممكن نغير مجموعة الزيوت بمجموعة تانية حسب الحاجة
اما الحنة فاممكن نعملها كل اسبوع او كل اسبوعين
رابعا:الاهتمام الشهرى
ـــــــــــــــــــــــــــــ
ممكن كل شهر او شهرين نساوى الاطراف فى حال اذا كانت متقصفة
وكده تلاقى شعرك طول الوقت زى الفل
اتمنى اكون افدتكم
واذا كان فى اى معلومة محتاجة اضافة او تصحيح منكم هاكون سعيدة جدا بيها
وياريت التقيم للموضوع لانى أأمل فى تثبيته لتعم الفائدة
وانتظرو منى برامج اخرى للقدمين ومشكلتهم فى الشتاء
وكذلك البشرة وايضا مشكله الهالات السوداء
واتمنى انكم تدعولى بالزوج الصالح لى ولسائر بنات المسلمين
والله المستعان | |
|
